dëgjoni

Për arsye se sivjet është 55 ?vjetori i vendosjes së marrëdhënieve diplomatike midis Kinës dhe Shqipërisë, këtë vit, kontaktet e shkëmbimet midis Kinës dhe Shqipërisë janë më të shumta se vitet e kaluara. Gjatë këtij viti edhe edhe shkëmbimet e vizitave dhe të kontakteve si dhe bashkëpunimi midis Drejtorive të Radio-film-televizionit të Kinës dhe Shqipërisë janë bërë më të shumta. Drejtori i Përgjithshëm i RTSH-së Artur Zheji këtë vit ka ardhur dy herë për vizitë në Kinë. Herën e parë ai erdhi duke kryesuar delegacionin e Drejtorisë së Përgjithshme të Radio-Televizionit të Shqipërisë dhe herën e dytë, duke e shoqëruar kryeministrin e Shqipërisë Fatos Nano gjatë vizitës së tij të fundit në Kinë. Duke folur për takimet me palën kineze, drejtori i përgjithshëm i RTSH-së tha se takimet midis të dyja palëve kanë disa pikësynime, siç janë shkëmbimi i mendimeve tona, vendosja e bashkëpunimit mbi të drejtat televizive, të dokumentarëve, të filmave, të cilat kanë një vlerë shumë të lartë artistikë dhe nënshkrimi i marrëveshjes për transmetimet në valë të shkurtrta dhe të mesme të Radios së Jashtme të Kinës nga territori i Shqipërisë. Në ceremoninë hapjes së "Javës së filmave artistikë kinezë" në Shqipëri mori pjesë delegacioni i Radio-film-televizonit të Kinës i kryesuar nga zv-drejtorja e Radio-Film-Televizionit të Kinës. Në kuadrin e 55 vjetorit të vendosjes së marrëdhënieve diplomatike edhe delegacioni i kinematografisë kineze i kryesuar nga drejtori i Drejtorisë së Kinematografisë të Kinës Tong Gang bëri një vizitë në Sjqipëri dhe organizoi atje edhe shfaqjet e 6 filmave të bukur artistikë kinezë si " Heronjtë", "Kryemenaxheri ", Brenga e një të dashuri në lumin e Verdhë ", " Dalja nga Amozona", "Stinë e ndritshme" dhe " Stepa qiellore ". Edhe Redaksia e gjuhës shqipe të Radios së jashtme të Kinës organizoi në prag të festës kombëtare të Shqipërisë një takim me dëgjuesit tanë. Ky ishte takimi i parë i organizuar posaçërisht nga kjo redaksia për dëgjuesit e vet tanë gjatë 35 vjetëve pas fillimit të emisioneve të gjuhës shqipe. Në pranverë të këtij viti, prezantuesi i njohur i CCTV-së pati një takim me ambasadorin e Shqipërisë në Kinë duke shprehur dëshirën për të shkuar në Shqipëri e për të intervistuar skenaristë, regjisorë dhe artistë të filmave të vjetër shqiptarë për rubrikën e tij " Magjia e filmave artistikë " të CCTV-së. Në shtator të këtij viti, regjisori i njohur shqiptar Piro Milkani erdhi për vizitë në Kinë bashkë me grupin e biznesmenëve që shoqëroi kryeministrin Fatos Nano gjatë vizitës në Kinë. Gjatë qëndrimit në Kinë, z. Piro Milkanin e intervistuan korrespondentët e rubrikës " Magjia e filmave artistikë " të CCTV-së dhe korrespondentja e Radios së Jashtme të Kinës Huailu. Gjatë këtyre intervistave, ai u tregoi teleshikuesve kinezë për rrugën e tij 50 vjeçare kinematografike dhe për shumë gjëra interesante gjatë xhirimit të filmave të vjetër shqiptarë si " Ngadhnjim mbi vdekjen " , " Oshëtimë në bregdet " etj, për të cilët intersohen e kanë mjaft nostalgji teleshikuesit kinezë. Në tetor të këtij viti, sopranoja e njohur shqiptare Inva Mula erdhi për herën e dytë në Kinë për të marrë pjesë në Festivalin e 7-të ndërkombëtar muzikor të Pekinit dhe në sezonin e 2-të ndërkombëtar të muzikës simfonike të Pekinit. Në ceremoninë e hapjes së këtij festivali, sopranoja e njohur shqiptare Inva Mula luajti rolin e Zhuljetës në operën "Romeo e Zhuljeta " duke bashkëpunuar me tenorin e njohur kinez Zhang Gjen Yi. Kjo operë u prit nxehtësisht nga spektatorët e Pekinit. Në intervistën me korrespondenten e Radios së Jashtme të Kinës Huailu, Inva Mula tha : " Kina ka marrë një zhvillim të jashtëzakonshëm, që sa vjen e rritet." Ajo shprehu edhe dëshirën e saj për të marrë pjesë në spektaklin e ceremonisë së hapjes të Lojërave Olimpike të vitit 2008, që do të organizohen në Pekin. Ajo tha: "Shpresoj që dëshira ime, për mua një endërr, të realizohet." Në të njejtën kohë, Muzeu i Arteve Figurative i Kinës organizoi në Shqipëri një ekspozitë të sendeve folklorike të koleksionuara nga ky muze. (zhai)