china radio international

v Protokolli mbi bashkëpunimin e uebsajtit në gjuhën shqipe të CRI Oline me botën e jashtme	v Tërmeti në Wenchuan

SONDAZH OLIMPIK

ZONA E ANKETAVE

ENCIKLOPEDIA


China Radio International


	Rreth Kinës

	Nga Bota

	Politikë

	Ekonomi

	Kulturë

	Shkencë e Teknikë

	Sport

Tregime dhe Legjenda Kineze

(GMT+08:00) 2004-11-25 19:29:16

Comment

Vizita e Hu Jintaos në vendet e Amerikës Latine arriti sukses të plotë

cri

Nga 11 deri më 23 nëntor, kryetari i shtetit i Kinës Hu Jintao bëri një vizitë shtetërore në Brazil, Argjetinë, Kili dhe Kubë dhe mori pjesë në mbledhjen e l2-të jo zyrtare të liderëve të Organizatës së Bashkëpunimit Ekonomik të Azisë dhe Paqësorit të organizuar në kryeqytetin e Kilit Santiago. Gjatë udhëtimit me aeroplan për në atdhe, ministri i jashtëm i Kinës Li Zhaoxing i dha një intervistë korrespondentit që e shoqëroi delegacionit gjatë vizitës. Ai tha se vizita e Hu Jintaos në Amerikën Latine ia arriti objektivit të parashikuar të zgjerimit të mendimeve unanime, të forcimit të besimit reciprok, të zgjerimit të bashkëpunimit dhe të zhvillimit të përbashkët. Kjo ishte një vizitë frutdhënëse. Vizita e kryetarit Hu Jintao ishte vizita e tij e parë si kryetar i shtetit të Kinës në Amerikën Latine. Kjo vizitë i dha një nxitje të re zhvillimit të marrëdhënieve të miqësisë tradicionale midis Kinës dhe Amerikës Latine duke përcaktuar drejtimin dhe objektivat për zgjerimin dhe thellimin e marrëdhënieve midis Kinës dhe Amerikës Latine në gjendjen e re. Li Zhaoxing tha se gjatë vizitës Hu Jintao dhe liderët e 4 vendeve zhvilluan bisedë të hapur dhe në thellësi lidhur me konsolidimin e miqësisë tradicionale dhe me forcimin e bashkëpunimit me leverdi reciproke në gjendjen e re. Të dyja palët thelluan besimin politik dhe zgjeruan mendime unanime për thellimin e bashkëpunimit. Kjo vizitë e Hu Jintaos nxiti bashkëpunimin ekonomiko-tregtar midis Kinës dhe 4 vendeve të Amerikës Latine duke hedhur një hap të ri në këtë drejtim. Pozita e ekonomisë së tregut të Kinës është njohur nga më shumë vende. Li Zhaoxing tha se gjatë vizitës Kina nënshkroi me këto 4 vende 39 dokumente bashkëpunimi që kanë lidhje me fushat tregtare, kozmike, të investimeve, të aviacionit, turizmit, arsimit etj. Brazili, Argjetina dhe Kili deklaruan njohjen e ekonomisë së tregut të Kinës. Kina dhe Kili nisën të parët bisedimet mbi liberarizimin e tregtisë midis dy vendeve. Peruja deklaroi njohjen e ekonomisë së tregut të Kinës. Të gjitha këto do të nxisin fuqimisht bashkëpunimin e barabartë dhe me leverdi reciproke midis Kinës dhe këtyre vendeve në fushën e tregtisë dhe të investimeve, duke i hapur perspektivë të ndritur fushës së re të bashkëpunimit . Li Zhaoxing tha se në fjalimet e rëndësishme, të mbajtura në raste të ndryshme në parlamentin e Brazilit, Hu Jintao shtjelloi në mënyrë të gjithanshme rëndësinë e madhe të politikës së Kinës ndaj Amerikës Latine dhe të forcimit të bashkëpunimit midis Kinës dhe Amerikës Latine në gjendjen e re, duke hartuar një plan të zhvillimit të gjithanshëm të marrëdhënieve të miqësisë dhe bashkëpunimit midis Kinës dhe Amerikës Latine. Ai paraqiti edhe propozimin e përmirësimit të strukturës së bashkëpunimit midis Kinës dhe Amerikës Latine, gjë që ka rëndësi të madhe. Një nga rezultatet e rëndësishme të vizitës së Hu Jintao në Amerikën Latine është edhe paraqitja e mendimeve të reja dhe e rrugëve të re mbi bashkëpunimin rajonal të Azisë dhe Paqësorit. (zhai)