Sipas njoftimeve të Radios së Jashtme të Kinës, më 12 nëntor, kryetari i shtetit i Kinës, Hu Jintiao dhe presidenti i Brazilit Luis Inacio Lula da Silva zhvilluan në Brasilia bisedime dypalëshe. Të dyja palët u shprehën që të bëjnë përpjekje të përbashkëta për të nxitur përpara zhvillimin në mënyrë të vazhdueshme, afatgjate dhe stabële të marrëdhënieve midis Kinës dhe Brazilit.

Për të nxitur më tej zhvillimin e vazhdueshëm të marrëdhënieve midis dy vendeve, gjatë bisedimeve, Hu Jintiao propozoi që Kina dhe Brazili të ruajnë vizitat reciproke të niveleve të larta, të zgjerojnë bashkëpunimin me leverdi reciproke dhe të forcojnë koordinimin dhe bashkëpunimin brenda OKB-së dhe në organizma të tjera ndërkombëtare. Hu Jintiao shprehu admirim për qëndrmin e drejtë të qeverisë së Brazilit për një Kinë.

Presidenti Lula admiroi plotësisht propozimet e kryetarit Hu Jintiao dhe tha se Brazili dëshiron të zgjerojë dhe të thellojë pandëprerë marrëdhëniet e partneritetit strategjik midis Brazilit dhe Kinës. Ai ritheksoi se Brazili zbaton me vendosmëri politikën e një Kine.

Po më 12 nëntor, duke mbajtur një referat në parlementin e Brazilit, Hu Jintiao tha se Kina është gjithëmonë mik i mirë dhe partner i mirë i vendeve në zhvillim dhe do të qëndojë kurëdoherë në anën e vendeve në zhvillim. (Sihai)