Gjatë qëndrimit të tij në Kinë, z. Maqo Lakrori i dha një intervistë korrespondentes së Radios së Jashtme të Kinës në gjuhën shqipe zj. Hë Da Ming, e cila e shoqëroi delegacionin shqiptar gjatë kësaj vizite në Kinë.

"Sa ndryshime të mëdha kanë ndodhur në Kinën e madhe popullore!" thoshte shpesh z. Maqo Lakrori kudo që shkonte gjatë vizitës në Kinë. Pse ai mahnitej dhe bënte krahasime të qarta lidhur me këto ndryshime të tanishme në Kinë. Sepse para 30 vjetëve z. Maqo Lakrori ka qenë për specializim në Kinë. Prandaj ai, i magjepsur nga pamja e tanishme e Kinës, mbante gjithnjë me vete një aparat fotografik dhe bënte fotografi kudo që shkonte. Ai i tha korrespondentes sonë se kishte interes të madh për fotografitë që do të shënojnë historinë. Pikërisht në xhepin e tij ai mbante disa fotografi të vjetra të nxjerra para 30 vjetëve.

Në intervistën e tij, dhënë korrespondentes sonë, ai tha: "Ne ndjehemi të mahnitur nga gjithëçka që kemi parë deri më sot. Shoh një Kinë të modernizuar, të zhvilluar jashtëzakonisht, për më tepër, një Kinë me perspektivë të qartë për zhvillimin e mëtejshëm. Patëm mundësi t'i shohim këto në Pekin, në Dalian dhe po kështu edhe në Shanghai. Gjej rastin të shpreh vlerësim maksimal për popullin kinez, i cili duke zbatuar politikën e reformës e të hapjes dhe idetë e çmuara të Ten Siao Pinit për katër modernizimet. Shoh sot të realizuar, frytin e zbatimit të një politike të qartë zhvillimi."

Z. Maqo Lakrori si deputetët e tjerë shqiptarë, ushqen një ndjenjë të sinqertë e miqësore ndaj popullit kinez. Ai tha: "Gjatë gjithë takimeve që kemi patur me miqtë kinezë, kudo që kemi shkuar, kemi ndjerë miqësinë që ushqen populli kinez për popullin shqiptar. Dhe si përfaqësues të popullit shqiptar si deputetë, do t'ia transmetojmë këtë bashkatdhetarëve tanë. Nga ana tjetër, dhe ne u kemi shprehur miqve kinezë ndjenja të thella të miqësisë e të respektit, që ushqen populli shqiptar për popullin kinez."

Lidhur me qëndrimin parimor të qeverisë shqiptare në problemin e Tajvanit, z. Maqo Lakrori u shpreh ashtu si edhe kryetari i delegacionit të Parlamentit të Shqipërisë, z. Servet Pëllumbi:

"Kemi gjetur rastin e ri të konfirmojmë qëndrimin e qartë të Shqipërisë që ka vetëm një Kinë: Republika Popullore e Kinës, meqë Tajvani është një pjesë e Kinës."

Ndër të tjerë ai tha gjithashtu: " Shfrytëzojmë këtë rast të shprehim e të kërkojmë zhvillimin e mëtejshëm të marrëdhënieve ndërmjet dy vendeve, barazuar në frymën e mirëkuptimit dhe të interesit reciprok për zhvillimin e marrëdhënieve ekonomike si në nivelin shtetëror, ashtu edhe duke shtuar mundësitë e biznesit shqiptar dhe të biznesit kinez për bshkëpunimin ndërmjet tyre, në dyja vendet reciproke."

Shqiptarët kanë besim që bashkëpunimi i filluar ndërmjet bizneseve të të dyja vendeve, do të ketë në të ardhmen dhe mund të ketë në të ardhmen një zgjerim të ndjejshëm. Shqipëria ka një pozicion shumë të mirë gjeografik në Evropë, është në një udhëkryq gjeografik, që lehtëson kalimin e mallrave, çka do të ishte një lehtësi për biznesin kinez, që të zhvillojë aktivitet në Shqipëri dhe njëkohësisht aktivitet nëpërmjet Shqipërisë, edhe në vende të tjera të Evropës. Dhe nga ana tjetër, është me interes që biznesi shqiptar të vijë e të njohë nga afër të gjitha mundësitë e pafund e praktike që ka Kina, nga pikapamja e shumëllojëshmësisë së prodhimeve e cilësisë së tyre, po edhe e çmimeve interesante.

Z. Maqo Lakrori kushton vëmendje edhe për bashkëpunimit në fushën arsimimit, që ka rëndësi të madhe. Ai u shpreh kështu: "Kam parasysh arsimin e lartë universitar dhe studimet pasuniversitare. Besoj që është një fushë me mjaft rëndësi, që specialistët nga Shqipëria të vijnë dhe të mësojnë e të specializohen në Kinën moderne të këtij mijëvjeçari të ri, ku është zbatuar një teknologji nga më modernet dhe në një Kinë, e cila sot me fuqinë e saj intelektuale teknologjike dhe realizuese, ka mundësuar dhe nxjerrë në kozmos astronautin e parë kinez, çka do të thotë që potenciali shkencor, teknologjik e teknik realizues është në një nivel jashtëzakonisht të lartë."

Z. Maqo Lakrori duke vizituar qytete të Kinës, duke nxjerrë fotografi, në takimin me kryetarin e Asamblesë Popullore të qytetit të Shangait Gong Sye Ping, i tregoi atij dy fotografi të vjetra, që ai i kishte bërë para 30 vjetëve pikërisht në zonën Pudong të Shangait. Pastaj z. Maqo Lakrori nxorri nga xhepi disa fotografi të vjetra bardhë e zi dhe duke e njohur korrespondenten tonë me historikun e tyre, tha plot pathos:

"Para 30 vjetëve unë u specializova në Kinë, në disa shkolla dhe në disa qëndra industriale sipas profilit që kam, për automatizimin e proceseve. Një nga zonat, ku jam specializuar ishte Shangai. Mund të them që është e vështirë të njihet, krahasuar me ato që unë mbaj mend para 30 vjetëve. Të tilla ndryshime janë jashtëzakonisht të mëdha." ( Daming)