Më 3 shtator, u hap në Pekin konferenca e 3-të ndërkombëtare e partive politike të Azisë. Në ceremoninë e hapjes marën pjesë mbi 300 përfaqësues të 80 partive politike të mbi 30 vendeve të Azisë. Në fjalimin e mbajtur në ceremoninë e hapjes, anëtari i përhershëm i Byrosë Politike të KQ të PK të Kinës, nënkryetar i shtetit i Kinës dhe kryetar nderi i Komitetit Organizator të kësaj konference, Ceng Çing Hong tha se kjo konferencë me temën kryesore "shkëmbim, bashkëpunim dhe zhvillim" me siguri, do të jetë një takim i madh i shkëmbimit të përvojave të administrimit partiak dhe të qeverisjes shtetërore për paqen dhe zhvillimin, për synimin e bashkëpunimit miqësor dhe për nxitjen e bashkëpunimit dhe të shkëmbimeve rajonale dhe, me siguri, do t'i çojë shkëmbimet e bashkëpunimin midis partive politike të Azisë dhe zhvillimin e përbashkët në një nivel të ri.

Në fjalimin Ceng Çing Hong vlerësoi lart konferencën ndërkombëtare të partive politike të Azisë. Ai tha se konferenca ndërkombëtare e partive politike të Azisë, që u krijua në shtator të vitit 2000, është një vepër e rëndësishme krijuese e partive politike të vendeve të ndryshme të Azisë, për të përvetësuar rrymën e kohës së paqes dhe të zhvillimit, për të përshtatur prirjen e thellimit të bashkëpunimit rajonal dhe për të zgjeruar shkëmbimet dhe bashkëpunimin ndërkombëtar midis partive politike. Gjatë 4 vjetëve të fundit, konferenca ndërkombëtare e partive politike të Azisë është organizuar 2 herë dhe po bëhet një platformë e rëndësishme për nxitjen e shkëmbimeve dhe të bashkëpunimit midis partive politike të Azisë dhe për shpejtimin e lulëzimit dhe të zhvillimit rajonal.

Ceng Çing Hong i hodhi një vështrim gjendjes së rajonit të Azisë që nga përfundimi i luftës së ftohtë, sidomos nga kriza monetare aziatike në vitin 1997. Ai është i mendimit se me përpjekjet e përbashkëta të qeverive dhe të partive politike të vendeve të ndryshme të Azisë, po krijohet gradualisht një gjendje e re e bashkëpunimit rajonal në bazë të barazisë, të shumëpolaritetit, të hapjes dhe të leverdisë reciproke dhe janë zhvilluar pandërprerë organizata rajonale në Azi dhe sistemi i bashkëpunimit shumëpalësh me forma të ndryshme. Ekonomia e Azisë në ekonominë botërore është gjithënjë e më e rëndësishme dhe ndikimi e roli i saj në arenën ndërkombëtar është gjithënjë më i madh. Një Azi e lashtë po shkon drejt rilulëzimit dhe një Azi e re po ngrihet.

Ai vuri në dukje gjithashtu, se para paqes dhe zhvillimit të Azisë në shekullin e 21-të ekzistojnë jo vetëm shumë shanse shumë të mira, por edhe sfida serioze. Ai tha se nxitja e mëtejshme e shkëmbimeve, dialogut dhe e bashkëpunimit midis vendeve të ndryshme të Azisë, shpejtimi i paqes, stabilitetit dhe i zhvillimit rajonal dhe këmbëngulja për të mirat e masave popullore të këtij rajoni janë jo vetëm tema e re e kësaj konference, por edhe përgjegjësia historike e partive politike dhe e politikanëve të vendeve të ndryshme të Azisë.

Në fjalimin e tij Ceng Çing Hong i njohu shkurtimisht të pranishmit me historinë dhe gjendjen e Partisë Komuniste të Kinës, me 3 detyrat e mëdha të Partisë Komuniste të Kinës në shekullin e ri që janë: "nxitja e ndërtimit të modernizimit, realizimi i ribashkimit të atdheut dhe mbrojtja e paqes botërore e shpejtimi i zhvillimit të përbashkët".

Partia Komuniste e Kinës do të vazhdojë të zbatojë parimet e pavarësisë, të autonomisë, të barazisë së plotë, të respektimit reciprok dhe të mosndërhyrjes në punët e brendshme të njeri-tjetrit dhe do të zhvillojë më tej shkëmbimet dhe bashkëpunimin me partitë politike të vendeve të ndryshme të Azisë.

Të dashur dëgjues, dëgjuat shënimin me titull: "U hap në Pekin konferenca e 3-të ndërkombëtare e partive politike të Azisë". (Sihai)