Në fjalimin e tij Hu Gjin Tao i kujtoi meritat e pavdekshme të Ten Siao Pinit për pavarësinë e kombit kinez, për çlirimin e popullit kinez dhe për fuqizimin e vendit e lumturinë e popullit kinez.

Ai tha: "Nën orientimin e shokut Ten Siao Pin, në plenumin e tretë të Komitetit Qendror të zgjedhur në Kongresin e 11-të të Partisë Komuniste të Kinës, të mbajtur në dhjetor të vitit 1978, u ricaktua vija ideologjike e çlirimit të mendimeve dhe e synimeve të së vërtetës nga faktet, u caktua që theksi i punës së partisë dhe shtetit të kalohet në ndërtimin e modernizimeve socialiste dhe u mor vendimi i rëndësishëm i zbatimit të reformës e hapjes. Në këtë plenum u realizua kthesa e madhe me rëndësi të madhe historike dhe u hap periudha e re historike e zbatimit të reformës e hapjes dhe e përqëndrimit të forcave në modernizimet socialiste."

Hu Gjin Tao vuri në dukje se Ten Siao Pin mendoi dhe hartoi strategjinë e zhvillimit të Kinës dhe dha gjykimin e rëndësishëm mbi dy tema kryesore në botën e sotme: paqe dhe zhvillim, duke hedhur një bazë të rëndësishme për kalimin e theksit të punës së partisë dhe të shtetit kinez në ndërtimin e modernizmeve socialiste. Ai ishte për hapjen e Kinës dhe për zgjerimin e kontakteve me jashtë në bazë të barazisë e leverdisë reciproke. Ai theksoi luftën kundër hegjemonizmit të çdo forme për mbrojtjen e paqes botërore dhe theksoi socializmin e Kinës për paqe.

Hu Gjin Tao tha: "Në se pa shokun Ten Siao Pin, populli kinez nuk mund të ketë jetën e re të sotme dhe Kina nuk mund të ketë gjendjen e re të sotme të reformës e hapjes dhe perspektivën e ndritur të modernizmeve socialiste. Si njeri i madh, meritat e ndritura dhe teoria shkencore e shokut Ten Siao Pin kanë ndikuar dhe do të vazhdojnë të ndikojnë Kinën dhe botën."

Hu Gjin Tao theksoi se për të nderuar Ten Siao Pin, në vitet e ardhshme Kina duhet t'u përmbahet teorisë së Ten Siao Pinit dhe mendimit të rëndësishëm të "tre përfaqësimeve", për të krijuar vazhdimisht pamjen e re të zhvillimit të çështjes së socializmit me karakteristika kineze. 

Hu Gjin Tao tha: "Ne duhet të ngulim këmbë në emancipimin e mendimeve, në synimin e së vërtetës nga faktet, në marshimin krahas kohës. Ne duhet t'i përmbahemi politikës së jashtme paqesore, të pavarur e autonome dhe të nxisim pandërprerë çështjen fisnike të paqes e zhvillimit të botës" ( Daming )