Të dashur dëgjues, udhëheqësi i të ndjerë z. Ten Siao Pini ka qenë një diplomat i shquar. Ai ka trajtuar me vështrim të ri marrëdhëniet midis Kinës dhe vendeve fqinje, duke krijuar një gjendje të re të zhvillimit të marrëdhënieve midis Kinës dhe vendeve fqinje. Në prag të 100 vjetorit të lindjes së Ten Siao Pinit, do të dëgjoni reportazhin e 4-t "Ten Siao Pini dhe Diplomacia e Kinës" me titull: "Mendimet mbi diplomacinë e Ten Siao Pinit kanë nxitur zhvillimin e marrëdhënieve midis Kinës dhe vendeve fqinje".

Qysh nga fundi i viteve 70 të shekullit të kaluar, duke u nisur nga teoria shkencore "paqja dhe zhvillimi janë dy tema të mëdha kryesore të botës së sotme", Ten Siao Pini ka parashtruar që politika e jashtme kineze ka për qëllim që të krijojë një mjedis paqësor për ndërtimin e modernizimit të Kinës dhe e ka konsideruar paqen si një detyrë të parë të politikës së jashtme. Nën drejtimin e mendimeve të Ten Siao Pinit, Kina ka ndërmarrë një sërë politikash reale në diplomacinë e forcimit të marrëdhënieve midis Kinës dhe vendeve fqinje si dhe ka arritur rezultate frytdhënëse.

Ish-ambasadori i Kinës në Indi, Pakistan, Malejzi dhe në Indonezi, z. Zhou Gang vlerësoi lart rolin e rëndësishëm të mendimeve të Ten Siao Pinit në trajtimin e marrëdhënieve midis Kinës dhe vendeve fqinje. Ai tha se gjatë më se 20 vjetëve të fundit, zhvillimi i marrëdhënieve midis Kinës dhe vendeve fqinje ka nxjerrë në pah mendimet e Ten Siao Pinit mbi diplomacinë.

Duke folur për mendimet mbi diplomacinë e Ten Siao Pinit, ish-ambasadori i Kinës në Birmani dhe në Indi, z. Cheng Rui Sheng tha se mendimet shumë të rëndësishme të Ten Siao Pinit, si Kina bën pjesë në botën e 3-të, tregojnë se ai i kushtonte rëndësi shumë të madhe zhvillimit të marrëdhënieve me vendet fqinje. Pas rregullimit të politikës së jashtme, marrëdhëniet tona me vendet fqinje hyjnë në periudhën e tyre më të mirë që nga shpallja e Kinës se re. Tani, lidhjet dhe kontaktet me vendet fqinje janë të shumta, sidomos ato me vendet e ASEAN-it të cilat janë shtuar pandërprerë.

Kina është një vend i madh në botë me shumë vende fqinje, dhe ashtu si edhe në vende të tjera të botës, edhe në Kinë ekzistojnë problemet e territoreve midis Kinës dhe vendeve fqinje. Por, çështjen e territorit ekzistojnë gjithmonë probleme të ndërlikuara politike. Në se trajtohet si duhet ky problem, ai ka të bëjë me paqen dhe stabilitetin e mjedisit fqinj të Kinës dhe me zhvillimin normal të modernizimit të Kinës. Duke u nisur nga gjendja e përgjithshme strategjike, Ten Siao Pini ka parashtruar mendimet për trajtimin dhe për zgjidhjen e mosmarrëveshjeve " sovraniteti na përket neve, të mënjanohen mosmarrëveshjet dhe të zhvillohemi sa bashku". Praktika vërtetoi se këto mendime parimore dhe elastike jo vetëm përputhen me interesat themelore të Kinës dhe të vendeve fqinje, por edhe kanë nxitur zhvillimin e përbashkët dypalësh.

Duke vlerësuar këto mendime të reja, zv/drejtori i Institutit të Studimit për problemet e Azisë dhe të Paqësorit pranë Akademisë së Shkencave Shoqërore të Kinës, z. Han Feng tha se nën drejtimin e mendimeve për diplomacinë e Ten Siao Pinit, Kina jo vetëm ka zhvilluar marrëdhëniet politike me vendet fqinje, por edhe ka zhvilluar bashkëpunimin me leverdi reciproke, duke synuar lulëzimin dhe zhvillimin e përbashkët.

Sipas mendimeve të Ten Siao Pinit, ne duhet t'i kushtojmë rëndësi më të madhe zhvillimit të marrëdhënieve ekonomike me vendet e ndryshme.

Të dashur dëgjues, dëgjuat reportazhin e 4-t "Ten Siao Pini dhe Diplomacia e Kinës". (Siahi)