Ten Siao Pini, në sy të tjerëve, është një njeri jo shumë i gjatë, i qeshur, i mençur dhe dashamir. Pala zyrtare e Kinës e vlerëson atë si politikan, strateg, një nga udhëheqësit kryesor të Ushtrisë Çlirimtare Popullore Kineze dhe të Republikës Popullore të Kinës. Ai lindi më 1904 në provincën Siçuan të Kinës jug-perëndimore. Në moshën 10 vjeç e ca, ai shkoi në Francë për studime pa u shkëputur nga puna dhe u anëtarësua në PK të Kinës kur ishte vetëm 20 vjeç. Gjatë viteve të '30 e '40-të shekullit të kaluar, një repart i kryesuar nga ai ka luajtur rol pionieri në luftën e popullit kundër agresorëve japonezë dhe në luftën çlirimtare të Kinës. Pas shpalljes së Republikës Popullore të Kinës, ai ka qenë në poste të rëndësishme në PK të Kinës, në qarqet politike dhe ushtarake të Kinës.

Pak kohë pas vdekjes së Mao Ce Dunit në vitin 1976, Ten Siao Pini u bë bërthama e re udhëheqëse e Kinës. Ai është thellësuar shumë në gjendjen e zhvillimit të ngadalshëm të Kinës, si pasojë të imitimit të thjeshtë të modelit të ish-Bashkimit Sovjetik. Ai e kuptoi se Kina duhet të përvetësonte model të ri zhvillimi, për një zhvillim relativisht të shpejtë. Në bazë të këtij mendimi, ai vendosi që në politikën e brendshme të bëhej reforma, kurse në politikën e jashtme të zbatohej hapja ndaj botës.

Reforma e Ten Siao Pinit në politikën e brendshme mishërohet në dy drejtime. Së pari, ai ishte i mendimit se duhet t'i jepej fund lëvizjes politike dhjetra vjeçare në Kinë, e cila pengoi ndërtimin normal ekonomik. Duhet të ruhej me përpjekje stabiliteti i vendit, në mënyrë që të krijohet një mjedis i përshtatshëm shoqëror për ndërtimin ekonomik. Ai theksoi se duhet të vihej, me përpjekje të paepura, ndërtimi ekonomik në qendër të punëve të partisë në fuqi dhe të të gjithë vendit. Së dyti, duhet të ndyshohej gradualisht mënyra e administrimit të punëve ekonomike, duke u shndëruar mbështetja plotësisht te planifikimi e kontrolli i qeverisë në pohimin e rolit rregullues të tregut në funksionimin e ekonomisë.

"Hapjen ndaj botës" në politikën e jashtme, Ten Siao Pini e vuri kundrejt politikës së jashtme të mbyllur, që ishte zbatuar për një kohë të gjatë në Kinë. Ai theksoi se duhet të zgjerohej hapja ndaj botës me qëndrimin aktiv dhe pozitiv dhe në thellësi dhe gjerësi; në kontaktet me jashtë duhet të shtohen faktorët ekonomikë; duhet të thithet e gjithë përvoja në favor të zhvillimit të ekonomisë kineze, veçanërisht përvoja e përparuar administrative e vendeve të zhvilluara kapitaliste dhe njëkohësisht duhet të tërhiqen teknologji e fonde të këtyre vendeve.

Qysh nga viti 1978, refoma e hapja e Kinës është zbatuar për mbi 20 vjet. Ky transformim, i thellë dhe i gjatë, ka nxitur në maksimum zhvillimin e Kinës në të gjitha fushat. Duhet thënë se Ten Siao Pini është jo vetëm projektues i përgjithshëm i reformës e hapjes në Kinë, por edhe nxitësi më i vendosur dhe më i fuqishëm i kësaj politike. Ai gjeti për Kinën modelin e zhvillimit, të përshtatshëm me gjendjen praktike të Kinës dhe me efikasitet të plotë.

Pavarësisht nga vdekja e tij, me t'u përmendur emri i Ten Siao Pinit, çdo kinez do të shprehë admirim dhe respekt të thellë. (Uang Lei)