Në kuadrin e 100 vjetorit të ditëlindjes së Ten Siao Pinit, na bien ndërmend këto fjalë të tij: "Është nder i madh se si një shtetas kinez, u bëra shtetas botëror." Me të vërtetë ndikimet e këtij personi të madh e kanë kaluar kufirin e Kinës dhe kanë mbërritur në të 5 kontinentet e botës. Ditë me radhë, politikanë të rëndësishëm, personalitete të njohura si dhe emigrantë kinezë kanë mbajtur fjalime për të nderuar kujtimin e këtij kinezi me prestigj të lartë në arenën ndërkombëtare.

Prestigji i lartë dhe pavdekshmëria e Ten Siao Pinit në kujtesën e popujve të botës tregojnë jo vetëm suksesin e tij personal, por edhe suksesin e një partie, një shteti dhe një kombi.

"Në fëmijërinë time, unë e dija se Ten Siao Pini ishte një person i rëndësishëm politik. Brezi ynë nuk mund mos e kujtojë atë." Kështu i tha Hunteri, kryetar i Sesionit të 58-të të Asamblesë së Përgjithshme të OKB-së, gazetarit të Agjencisë kineze Hsinhua. Ish-kryeministri japonez Jasuhiro Nakasone u shpreh, kohët e fundit, se nga zhvillimi i sotëm i Kinës dhe ndikimet e saj mbi botën mund të nxjerrim konkluzionin se Ten Siao Pini është një njeri i madh që duhet shënuar në historinë e botës.

Në vitin 1978 dhe në vitin 1985 revista e përjavëshme ameriane "Times" e zgjodhi dy herëTen Siao Pinin personin me ndikim më të madh në botë. Në vitin 1987 Akademia e Botës së 3-të e dekoroi atë me medaljen e nderit të posaçëm. Në dhjetor të vitit 1992 "Financial Times" e vlerësoi Ten Siao Pinin si person me ndikim më të madh në atë vit. Edhe shumë universitete të njohura e kanë dekoruar atë me titullin e doktorit të nderit. Anglia, SHBA, Franca, Japonia, Gjermania etj. kanë botuar veprat e tij. Në shkurt 1997, kur u nda prej nesh Ten Siao Pini, OKB-ja e uli flamurin në gjysmë-shtizë në shenjë zie.

Si projektues i përgjithshëm i reformës dhe hapjes së Kinës dhe krijues i teorisë së ndërtimit të socialiszmit me karakteristika kineze, Ten Siao Pini gëzon dashurinë e madhe të popullit kinez. Ai ia kushtoi mendimet dhe zgjuarsinë e vet o vetëm kombit të madh kinez, por edhe mbarë botës së sotme. Kohët e fundit, në një intervistë për gazetarin e Agjencisë kineze Hsinhua, ish-sekretari i përgjithshëm i OKB-së Ghali tha se teoria e Ten Siao Pinit u ka lënë jo vetëm kinezëve, por edhe të gjitha vendeve në zhvillim një trashëgimi të çmuar.

Pas fillimit të rrugës së ndërtimit të socializmit me karakteristika kineze të çelur nga Ten Siao Pini, në gjithë vendin kanë ndodhur ndryshime të mëdha dhe Kina ka marrë një pamje krejt të re. Nën udhëheqjen e Ten Siao Pinit, në ekonominë kineze janë arritur suksese, që kanë nxitur padyshim edhe zhvillimin e ekonomisë botërore, dhe siç tha ish-sekretari amerikan i shtetit Kisinger, Kina është bërë një treg i madh i shumë vendeve aziatike.

Progresi i madh i Kinës e ka shtuar peshën e saj në arenën ndërkombëtare dhe Kina ka ushtruar e ushtron ndikim gjithënjë e më të madh në problemet ndërkombëtare. Ish-presidenti i Bangladeshit Ershad i tha gazetarit të Agjencisë kineze Hsinhua se "me shtimin e potencialit të Kinës, ajo po luan rol gjithënjë e më të madh në mbrojtjen e paqes dhe stabilitetit rajonal dhe botëror dhe fjalët e saj kanë peshë gjithënjë e më të madhe në problemet ndërkombëtare."

Ten Siao Pini ka studjuar jashtë vendit dhe pastaj u aktivizua në arenën politike ndërkombëtare, pra ishte një udhëheqës kinez me largëpamësi botërore. Lidhur me hapjen ndaj botës ai ka bërë shumë shtjellime. Më 3 qershor 1988, në takim me pjesëmarrësit e Konferencës ndërkombëtare "Kina dhe bota e viteve 90", Ten Siao Pini tha: "Për zhvillimin dhe për shkëputjen nga varfëria dhe prapambetja, Kina duhet të zbatojë reformën dhe hapjen, jo vetëm duhet të zhvillojë shkëmbime me vende të tjera, por duhet edhe të marrë përvojën e tyre."

Ditët e fundit autori i "Biografisë së Ten Siao Pinit" Franc vuri në dukje se nëpërmjet refomës dhe hapjes, Ten Siao Pini jo vetëm ka ndryshuar rrugën e gabuar të ndërtimit të mbyllur të së kaluarës, por ka marrë edhe aparaturat, fonde, teknologji dhe sistemin e ekonomisë së tregut të vendeve të zhvilluara, duke krijuar kushtet e nevojshme paraprake për rritjen e shpejtë të ekonomisë kineze për më shumë se 20 vjet."

Ditët e fundit ish-presidenti i Indisë Narayanan i tha gazetarit të Agjencisë kineze Hsinhua se në vitet 80 të shekullit të kaluar, Ten Siao Pini e kuptoi tendencën e zhvillimit të botës së sotme dhe u përpoq që Kina të përshtatej me zhvillimin e botës së sotme. Ditët e fundit nënkryetari i Shoqatës së strategjisë kineze profesor Li Xhën Xhon tha se politika e refomës dhe e hapjes e Ten Siao Pinit ka bërë që ekzistenca dhe zhvillimi i kombit kinez të lidhet me historinë, të shkrihet me rrjedhat e kohës dhe ka hedhur bazë për paqen botërore.

Në problemet ndërkombëtare Ten Siao Pini parashtroi shumë mendime krijuese. Ai vuri në dukje se në botë ekzistonin 2 probleme të mëdha, problemi i paqes dhe problemi i zhvillimit.

Ten Siao Pini ka qënë për vizitë në Francë, në ish-Bashkimin Sovjetik, në SHBA, Japoni dhe në vende të tjera të mëdha, në shumë vende në zhvillim si dhe ka marë pjesë, në emër të Kinës, në shumë aktivitete të mëdha ndërkombëtare.

Ditët e fundit, ish-sekretari amerikan i shtetit Kisinger tha se Ten Siao Pini i kushtoi rëndësi shumë të madhe zhvillimit të të marrëdhënieve kino-amerikane. Sinologu rus Smirnov i tha gazetarit të Agjencisë kineze Hsinhua se për arësye se Ten Siao Pini u shpreh se "duhet t'i japim fund të së kaluarës dhe të fillojmë të ardhmen", Kina dhe Bashkimi Sovjetik i dhanë fund gjendjes së tyre armiqësore. (Hou)