Të dashur dëgjues, 1 tetor i këtij viti do të jetë 55-vjetori i shpalljes së RP të Kinës. Gjatë mbi 50 vjetëve, zhvillimi i shpejtë i ekonomisë kineze është i njohur në botë. Njëkohësisht, rritja ekonomike ka hedhur bazë për edhe përparimin e fushave të tjera. Në emisionin e sotëm të konkursit të njohurive: "55 vjet-Kinë e Re", do t'ju njohim me artikullin e parë me titull: " ekonomia kineze e zhvillimit të vazhdueshëm".

Reforma ekonomike dhe hapja e jashtme, që filluan në fund të viteve 70 të shekullit të kaluar, i ka sjellë ekonomisë kineze një vitalitet të paparë. Njëkohësisht, ekonomia kineze ka patur një zhvillim shumë të shpejtë. Sipas të dhënave statistikore, të publikuara nga Drejtoria Shtetërore e Statistikave të Kinës, gjatë 25 vjetëve nga viti 1978 deri në vitin 2003, ritmi i rritjes mesatare vjetore të ekonomisë kineze e ka kaluar 9%-in. Rritja shumë vjeçare ekonomike ka hedhur bazë për përsosjen e jetës së popullit. Gjatë mbi 20 vjetëve, qeveria kineze ka ndihmuar mbi 200 milionë të varfër në shkëputjen e tyre nga varfëria. Tani, Kina ka një popullsi prej 1 miliardë e 300 milionë vetash. Vitin e kaluar, vëllimi i GDP-së për frymë i kaloi për herë të parë të 1000 dollarët amerikanë. Zhvillimi i ekonomisë kineze ka fituar vlerësimet e disa personaliteteve të njohura të qarqeve ekonomike ndërkombëtare. Duke folur për zhvillimin e ekonomisë kineze, profesori i një universiteti amerikan z. Lawrence Klein ka thënë se vetëm ai që ka ardhur në Kinë, mund të shohë nga afër ndryshimet e mëdha, që kanë nodhur në jetën e njerëzve. Fakti i rritjes së shpejtë të ekonomisë kineze është i padyshimtë. Gjatë procesit të zhvillimit, lidhjet midis ekonomisë kineze dhe ekonomisë botërore janë thelluar nga dita në ditë. Hapja e ekonomisë kineze është gjithënjë e më e shpejtë. Në vitin 2001, Kina u pranua në Organizatën Botërore të Tregtisë. Tani, Kina po zhvillon bisedime edhe për zonën e tregtisë së lirë me ASEAN-in dhe po forcon aktivisht bashkëpunimin ekonomik dypalësh dhe shumëpalësh me SHBA-në, me Bashkimin Evropian dhe me grupe të tjera ekonomike. Vitet e fundit, niveli i përgjithshëm i taksave doganore të Kinës është ulur pandërprerë. Përqindja mesatare e taksave u ul në 10,4% nga 15,3% në vitin 2001 para pranimit në Organizatën Botërore të Tregtisë. Në tregtinë e jashtme, deri në vitin 2003, vëllimi i tregtisë së jashtme kineze i kaloi të 800 miliardë dollarët amerikanë. Kjo shifër ka zënë vendin e 4-t në botë vetëm pas SHBA-së, Gjermanisë dhe Japonisë. Deri në qershor të këtij viti, investimet e huaja, të importuara nga Kina, i kaluan të 500 miliardë dollarët amerikanë. Në vitin 2003, Kina është bërë vendi që ka marrë investimet më të shumta. Njëkohësisht, importi kinez dhe investimet jashtë vendit janë bërë gjithënjë e më të shumta. Tani, Kina është vendi i 3-të importues në botë dhe vendi i 5-të i investimeve jashtë vendit. Në këtë gjendje, liderë kinezë kanë theksuar shumë herë se Kina do të vazhdojë ta hapë tregun ndaj botës. Pak këhë më parë, në një mbledhje ekonomike ndërkombëtare, zv/kryeministrja e Kinës zj. U Yi premtoi se zgjerimi i hapjes së jashtme është politikë afatgjatë themelore e qeverisë kineze. Kina do ta ngrejë në nivelin më të lartë hapjen e jashtme, do të anulojë gradualisht masat e taksave jodoganore dhe do të zgjerojë fushën e investimeve të biznesmenëve të huaj. Vitet e fundit, përpjesëtimet ekonomike janë zgjeruar pandërprerë. Por, në formën e rritjes së ekonomisë kineze kanë ndodhur edhe ndryshime. Për disa industri me konsum të shpejtë të burimeve dhe me ndotje të mjedisit, janë marrë masa kufizuese. Strategjia e zhvillimit të vazhdueshëm po zbatohet gradualisht. Duke folur për këtë gjendje, zv/drejtori i Drejtorisë Shtetërore të Statistikave të Kinës z. Qiu Xiao Hua tha se industria e kapitaleve dhe e teknologjive filloi të luajë një rol gjithënjë e më të rëndësishëm në rritjen e ekonomisë kineze. Industria e informacioneve elektronike, industria e ndërtesave dhe e trojeve, industria e automjeteve etj, janë bërë forcat kryesore nxitëse të rritjes së ekonomisë kineze. Duke folur për marrëdhëniet midis ekonomisë kineze dhe ekonomisë botërore, shumë personalitete të qarqeve ekonomike thanë se rritja e ekonomisë kineze është në favor të lulëzimit dhe të zhvillimit të ekonomisë botërore. Nga gjendja e përgjithshme del se zhvillimi i Kinës ka luajtur një rol nxitës për ekonominë botërore. Të dashur dëgjues, lidhur me emisionin e sotëm të konkursit të njohurive po ju parashtrojmë dy pyetje: Së pari, sa është ritmi i rritjes mesatare vjetore të ekonomisë kineze gjatë 25 vjetëve nga viti 1978 deri në vitin 2003? Së dyti, sa të varfër janë shkëputur nga varfëria gjatë mbi 20 vjetëve të fundit? Ju faleminderit për vëmëndjen dhe mirudëgjofshim në emisionet e ardhshme. (Sihai)