Në kuadrin e këtyre ditëve të shënuara, duke filluar nga 20 korriku deri më 30 gusht, në qarqet e Ushtrisë Popullore Clirimtare të Kinës dhe në CCTV po organizohet "Muaji i shfaqjeve të filmave artistikë, dokumentarë dhe televizivë me rastin e l00 vjetorit të lindjes së Ten Siao Pinit " si dhe po organizohen shfaqjet e filmave artistikë e televizivë me temë ushtarake në CCTV dhe në televizionet krahinave të ndryshme të mbarë vendit.

Gjatë muajit të shfaqjeve të filmave artistikë, dokumentarë dhe televizivë me rastin e l00 vjetorit të lindjes së Ten Siao Pinit, spektatorët do të shikojnë filmat artistikë " Vitet e mia në Francë ", " Ten Siao Pini në vitin 1929 ", " Ten Siao Pin ", " Kryengritja e Baisës " , " Beteja vendimtare ", " Marshimi i madh ", " Kthesa e madhe ", filmat dokumentarë " Tungjatjeta Siao Pin ", " Përmendorja ", filmat televizivë " Ten Siao Pin në vitin l929 ", filmat dokumentarë televizive " Strategu ushtarak Ten Siao Pin ", " Njeriu i madh i shekullit Ten Siao Ping ", " Flamuri i madh " dhe filmin televiziv artistik " Ten Siao Ping i përjetshëm ".

Kurse duke filluar nga l gushti, në CCTV do të transmetohet edhe filmi dokumentar me 8 seri " Jeta ushtarake e Ten Siao Pinit ".

Përveç këtyre, në kuadrin e l gushtit, 77-vjetorit të themelimit të Ushtrisë Popullore Clirimtare të Kinës në CCTV do të transmetohen filmi televiziv me 22 seri " Shigjeta në hapësirën e gjerë ajrore ", në të cilin flitet për një divizion heroik të forcave ajrore të dislokuar në një bazë ushtarake të bregdetit jug-lindor të Kinës dhe filmi artistik televiziv me 20 seri me titull " Ushtaraku i vogël Zhan Ga ", që pasqyron luftën dhe miqësinë e 4 fëmijëve trima të kalitur në zjarrin e luftës së rezistencës kundër pushtuesve japonezë.

Në rubrikën e CCTV-së " Gjysma e botës " do të tregohet edhe për dashurinë e sinqertë të një mesogruaje që me dashurinë e saj shpëtoi nga vdekja një ushtarak. Kurse, në mes të tingujve të këngëve ushtarake, do të dalin si personazhe kryesore të rubrikës së fundit të CCTV-së " Fatmirësi në nr 52 ", dy oficerë ushtarakë dhe një person i brezit të ardhshëm të një ushtaraku.

Përveç këtyre, duke filluar nga fundi i korrikut, do të organizohet edhe festivali i 8-të artistik i mbarë Ushtrisë Popullore Çlirimtare Kineze, në të cilin do të shfaqen 40 pjesë dramaturgjike, operistike, koreografike, muzikore, të cirkut e akrobacisë, të estratës si dhe koncerte muzikore etj. (zhai)