Z. Bamir Topi i tha korrespondentes sonë se ishte hera e parë që vizitonte Kinën. Ai ishte shumë i emocionuar nga kz rast i çmuar të vizitës në Kinë. Që në ditën e parë të vizitës, ai i tha kështu korrespondentes sonë:

" Së pari, ndjej një kënaqësi të veçantë, që ndodhem në Kinë për herë të parë në jetën time. Kostatimi i parë është se Kina është një vend i madh që është futur në rrugën e një zhvillimi të shpejtë. Njerëzit janë shumë mikpritës. Në qytetin e Pekinit të ofrohen shumë monumente kurioziteti për historinë e lashtë të Kinës, por të ofrohen edhe mundësi për të parë zhvillimet moderne të një Kine të re. Ndjehem shumë i emocionuar nga mikrpitja e miqve kinezë."

Pas takimit të delegacionit të Kuvendit të Shqipërisë nga kryetari i Komitetit të Përhershëm të Asamblesë Kombëtare Popullore të Kinës, z. U Bang Guo dhe pas takimeve të delegacionit me liderët e tjerë të lartë kinezë, z. Bamir Topi tha se nga bisedat për marrëdhëniet tradicionale midis Kinës dhe Shqipërisë dhe nga fryma e mirëkuptimit për të zhvilluar këto marrëdhënie, ai e ndjente se më shumë mundësi të reja do të ofrohen për ta parë Kinën, për të zgjeruar horizotin dhe për të marrë përvojën e Kinës që kur të kthehen në vend ta adoptojnë.

Në këtë delegacion të Kuvendit të Shqipërisë z. Bamir Topi duket më i riu dhe, njëkohësisht, është një pjesëtar nga opozita në delegacion. Por ai i tha kështu korrespondentes sonë:

" Politika e Kuvendit të Shqipërisë në marrëdhëniet me Kinën është një politikë e mirëkuptimit të plotë, pasi sikurse theksoi kryetari i Kuvendit z. Servet Pëllumbi, Kuvendi i Shqipërisë si një institucion kryesor i Shqipërisë, njeh vetëm një Kinë dhe këtë ne e kemi shprehur vazhdimisht në të gjitha takimet tona. Unë mendoj që Shqipëria ka çfarë që mëson nga një vend i madh, siç është Kina, e cila ka alternuar shumë mirë kulturën tradicionale me zhvillimin modern. Kështu që unë si parlamentar, e konsideroj këtë vizitë jo thjeshtë në planin institucional, por po shoh drejtpërdrejt edhe zhvillimin e Kinës, zhvillimin e ekonomisë dhe të industrisë dhe besoj se mjaft gjëra të vlefshme do t'i përcjellim edhe tek kolegët tanë në Shqipëri, për t'i dhënë mundësi edhe vendit tonë, ndonëse vend i vogël, por me mjaft mundësi që të zhvillohet e të bëhet një vend, që shumë shpejt do të integrohet në Komunitetin Evropian. Kështu që kjo vizitë ka shumë interes në planin që ato që kemi lexuar vazhdimisht për Kinën, t'i shohim drejpërdrejt. Besoj që nuk do të shlyhen nga memoria. Kjo është një eksperiencë personale, por besoj se do t'ia transmetoj edhe familjes sime dhe fëmijëve të mi se ç' kam parë në Kinë, në plan të parë, mikpritjen kineze."

Në fakt, z. Bamir Topi është 47 vjeç, duket shumë i ri, por ai ka dy vajza, një e ka 18 vjeçe dhe tjetrën 14 vjeçe. Korrespondentja jonë nuk i besoi këto, nisur nga fizionomia e jashtme e z. Bamir, që tregon i ri. Pastaj ajo iu lut atij të bënte një prezantim të shkurtër.

Z. Bamir Topi iu përgjigj:

" Unë kam punuar në një institucion kërkimoro-shkencor. Kam kryer doktoraturën në Itali në fundin e viteve 80-të. Pastaj, përveç punës kërkimore kam drejtuar edhe institucionin, ku kam punuar. Pas asaj jam angazhuar në politikë, ku kam qënë ministër i Bujqësisë e Ushqimit. Tani jam në Parlament, kryetar i grupit parlamentar dhe bëj pjesë gjithashtu edhe në Komisionin e Bujqësisë e Ushqimit. Përveç punës, me të cilën angazhohen, pjesën më të madhe të kohës merrem edhe me ekspertizat e profesionit, ku kërkohet mendim për t'u shprehur si ekspert. Dhe nuk më mbetet shumë kohë për t'u marrë pastaj me gjëra që unë do preferoja, sikur me sportin dhe për t'u angazhuar një çikë më shumë me fëmijët e mi. Si do gjej atë kohë të domosdoshme për t'i ruajtur kontaktet me to, sepse vitet kalojnë dhe fëmijët rriten. Dhe pastaj vjen një moment kur mendon që i je kushtuar pak."

Siç duket, z. Bamir Topi e do shumë familjen dhe fëmijët e tij. Njëkohësisht ai ushqen edhe ndjenjë të veçantë patriotike ndaj atdheut dhe popullit shqiptar.

Biseda midis tij dhe korrespondentes sonë vazhdoi kështu gjatë udhëtimit për në Murin e Madh Kinez. Ai e falënderoi korrespondenten tonë duke i thënë: " Unë ju falenderoj juve për këtë intervistë. Dhe më lejoni që t'ju them që ju ruaj në memorie vazhdimisht si një, jo thjesht, përkthyese e gjuhës shqipe dhe shefe e redaksisë së gjuhës shqipe, por si një misionere e miqësisë e marrëdhënieve të mira midis Kinës dhe Shqipërisë." Korrespondentja jonë e falenderoi atë për komplimentin e tij.

Z. Bamir Topi i tha korrespondentes sonë Damini se e njeh zërin e saj prej transmetimint të emisioneve të gjuhës shqipe.

"Kam pasur raste të dëgjoj zërin tuaj. Kjo ka ndodhur si në Shqipëri, ashtu dhe kur kam qenë me shërbime jashtë Shqipërisë. Bile mbaj mend një herë keni pasur një intervistë me një intelektual shqiptar që merret me gjuhën gjermane dhe ka studiuar në Kinë, me zotin Astrit Ibro." Ai pastaj u njoh nga Damini se z. Astrit Ibro është tani drejtor i Radios së Jashtme të Shqipërisë.

Pasi mori vesh se emisioni i Radios së Jashtme të Kinës filloi qysh nga 1 marsi i këtij viti të transmetohet në valë të mesme 1215 kiloherc në Shqipëri dhe dëgjohet më qartë, z. Bamir u gëzua shumë dhe u shpreh se do ta ndjekë me kënaqësi me sa mundësi që të ketë. Pastaj korrespondentja jonë i dhuroi atij gazetën e Redaksisë së gjuhës shqipe, të botuar në qershor të këtij viti në gjuhën shqipe, si dhe numrin e fundit të revistës së Radio-Film-Televizionit të Kinës, të nxjerrë nga Radio jonë me rastin e 55-vjetorit të vendosjes së marrëdhënieve diplomatike midis Republikës Popullore të Kinës dhe Republikës së Shqipërisë si dhe me rastin e 35-vjetorit të hapjes së emisionit të gjuhës shqipe të Radios së Jashtme të Kinës. (Daming )