Korrespondenti i Radios së Jashtme të Kinës njoftoi se më 21 korrik, presidenti i Republikës së Koresë Roh Mu-hjun tha në ishullin Jeju se nëse problemi bërthamor i gadishullit korean do të zgjidhet në mënyrë paqesore, Republika e Koresë do të nxitë aktivisht një program konkret të bashkëpunimit ekonomik midis Koresë së Jugut dhe Koresë së Veriut për t'i dhënë Koresë së Veriut ndihma ekonomike të përmasave të mëdha.

Roh Mu-hjun i tha këto në një konferencë shtypi të organizuar pas bisedimeve me kryeministrin japonez Juniçiro Koizumi që ndodhet për vizitë në Republikën e Koresë. Ai tha se gjatë takimit, kryeministri Juniçiro Koizumi u shpreh se pas zgjidhjes së problemit bërthamor të gadishullit korean, Japonia do të realizojë normalizimin e marrëdhënieve me Korenë e Veriut.

Roh Mu-hjuni tha gjithashtu se për shkak se nuk është zgjidhur ende problemi bërthamor i gadishullit korean, tani nuk është koha të zhvillohet takimi midis liderëve midis Koresë së Jugut dhe Koresë së Veriut. (fani)