me ftesë të kryetarit të Prokurorisë së lartë të RP të Kinës Gjan Chun Uang, nga 3 deri më 10 qershor, prokurori i përgjithshëm i Shqipërisë Theodhori Sollaku, bashkëshortja e tij Segjine Sollaku dhe delegacioni i kryesuar prej tij bënë një vizitë në Kinë.

Gjatë qëndrimit në Kinë, kryetari i Prokurorisë së lartë të RP të Kinës Gja Chun Uang dhe kryetari i Prokurorisë së Shangait U Guang Yu patën takime dhe biseda të përzemërta me delegacionin shqiptar, të kryesuar nga prokurori i përgjithshëm i Shqipërisë Theodhori Sollaku si dhe shtruan darka për nder të prokurorit të përgjithshëm të Shqipërisë Theodhor Sollaku dhe të delegacionit të kryesuar prej tij.

U nënshkrua edhe një memoradum midis Prokurorisë së Lartë të RP të Kinës dhe Prokurorisë së përgjithshme të Republikës së Shqipërisë.

Gjatë qendrimit në Kinë, delegacioni bëri vizita në kuriozitetet kryesore të Pekinit, siç janë Muri i Madh Kinez, Pallati i Dimrit, Pallati i Verës, tempulli Tientan etj. Kurse gjatë qendrimit për vizitë në Shangai, delegacioni pa nga afër jo vetëm godinat e reja shumë të larta të Shangait, por u kënaq edhe me natën e bukur dhe të ndriçuar nga llampat e neonit të Shangait, vizitoi muzeun e Shangait, kullën televizive "Margaritari i Lindjes", qytezën e lashtë me karakteristika të thesuara të brigjeve të lumit Jance, Zhugjagjao, parkun karakteristik kinez Yuyuan, si dhe zonën moderne bujqësore Sunqiao, që është një bazë moderne eksperimentale për prodhimin shkencor të zarzavateve dhe të luleve. Delegacioni ka udhëtuar edhe 60 kilometra rrugë me trenin e parë magnetik në botë që ka filluar udhëtim me pasagjerë. Shpejtësia më e madhe e këtij treni ka arritur në 430 kilometra orë. Pra të gjitha këto që i kanë parë dhe i kanë ndier gjatë vizitës në Pekin dhe Shanghai të Kinës u lanë përshtypje të thella anëtarëve të delegacionit.(zhai)