Quhem Stavri Koçollari, aktualisht punoj si sekretar i përgjithshëm në Prokurorinë e Përgjithshme të Shqipërisë. Dhe isha anëtar i delegacionit të Prokurorisë së përgjithshme që mori pjesë dhe vizitoi Kinën për 8 ditë rradhazi.Që me mbërrijen në Republikën Popullore të Kinës, më kanë bërë përshtypje dy gjëra. E para një mikëpritje vërtete e paimagjinueshme për ne, një sjellje dhe një gatishmëri për t'u na u gjendur pranë në për çdo kohë dhe për çdo problem, që vërtete të bën të mendosh se kemi të bëjmë me një popull me shumë kulturë dhe me dashuri për popullin shqiptar. Njëkohësisht, më bënë përshtypje zhvillimet e jashtëzakonishme ekonomike në të dy qytetet që ne pamë, si në Pekin ashtu dhe në Shangai. Shanghain, kur e shikon vetë është diçka e paimagjinueshme. Megjithëse, kishim parë dokumentarë dhe në televizion në Shqipëri, megjithëse kemi lexuar, duke parë në vend është vërtet ishte diçka e mahnitshme. Gjatë takimeve që ne patëm me përfaqësues të Prokurorisë të Përgjithshme të Lartë të Kinës, si dhe me Prokurorinë e Shangait, na bëri përsëri përshtypje mikpritja shumë e ngrohtë e kolegëve tanë, mbi të gjitha, dhe në shkëmbimin e mendimeve që patëm për punën, realisht përfituam prej tyre në shumë drejtime. Njëkohësisht, gjatë kësaj periudhe ne bëmë edhe disa vizita, për cilat ne duhet të falënderojmë edhe një herë prokurorinë e lartë të Kinës dhe prokurorinë e Shangait. Në vizitat që bëmë në Pekin dhe Shangai, më kanë ngelur në mendje dy momente shumë të rëndësishme. Shëtitja që bëmë me trenin magnetik që ishte një mrekulli për ne dhe që tregon përparimet e mëdha, që ka bërë Republika Popullore e Kinës, dhe njëkohësisht më bëri përshtypje edhe fakti se te ferma ku vajtëm, e ku pamë serat e të gjithë bimëve.

Më ka bërë përshtypje edhe një fakt tjetër. Këtu njerëzit janë shumë punëtorë, pa llafe, e duan punën, i vlerësojnë arritjet që kanë bërë gjatë këtyre dhjetë viteve të fundit. Dhe ne vërtet kemi ç'të mësojmë nga një vend, që megjithëse kaq i madh, nga më të mëdhenjtë në botë me një zhvillim ekonomik të jashtëzakonshëm, ka një sjellje me ne që jemi një popull shumë i vogël, si të ishin barabartë. Këto përshtypje më lanë të gjitha takimet që patëm qoftë me funksionarë të lartë shtetërorë, qoftë me popullin, me qytetarë apo fshatarë kinez.

Ju uroj vetëm suksese dhe të ecur gjithmonë e më përpara kështu siç e kemi nisur. Urime!