Korrespondentët e Radios së Jashtme të Kinës njoftuan se më 22 maj lideri suprem i Koresë së Veriut Kim Xhon Il zhvilloi bisedime në Phenjan me Kryeministrin e Japonisë Koizumi Juniçiro, që ndodhet për vizitë në Korenën e Veriut. Të dyja palët konfirmuan edhe një herë "Manifestin e Phenianit midis Koresë së Veriut dhe Japonisë" dhe shkëmbyen mendime për problemet konkreke në zbatimin e manifestit.

Kim Xhon Il u shpreh në bisedimet se do të përpiqet aktivisht për zbatimin e këtij manifesti. Juniçiro shpresoi se nëpërmjet zbatimit të kësaj manifesti do të shndërrohen marrëdhëniet armiqësore midis Japonisë dhe Koresë së Veriut në marrëdhëniet e bashkëpunimit dhe të realizohet më në fund normalizimi i marrëdhënieve midis dy vendeve. Japonia ra dakord t'i japë Koresë Veriut ndihma me drithra dhe ilaçe.

Lidhur me problemin bërthamor të gadishullit Korean, Juniçiro i kërkoi palës verikoreane të heqë dorë plotësisht nga planifikimi i zhvillimit bërthamor, kurse Kim Xhon Il tha se duhet të zgjidhë në mënyrë paqesore problemin bërthamor të gadishullit korean nëpërmjet bisedimeve 6-palëshe.

Po më 22 maj Koizumi Juniçiro u largua nga Phenjan duke përfunduar vizitën një-ditore. 5 të afërmit e të rrëmbyerëve japonezë u kthyen në Japoni.

Qeveria jugkoreane shprehu përshëndetje për rezultatet e bisedimeve midis Koresë së Veriut dhe Japonisë. (Lei)