Pas mbledhjes në intervistën e dhënë gazetarëve kryetari i grupit të punës së këtyre bisedimeve dhe ambasadori i Ministrisë së Punëve të Jashtme të Kinës mbi çështjet e gadishullit korean Nin Fu Kui tha se palët pjesëmarrëse shkëmbyen mendime në mënyrë të hapur dhe reale lidhur me problemet përkatëse të zgjidhjes së problemit bërthamor të gadishullit korean.

Ai tha se të gjitha palët ranë dakort që para fundit të qershorit të zhvillohet sipas planit rundi i tretë i bisedimeve 6-palëshe, për të vazhduar diskutime të thella dhe para këtij rundi të zhvillohet mbledhja e dytë e grupeve të punës.

Më 15 maj gjatë takimit me kryetarët e grupeve të punës të vendeve përkatëse në këto bisedime, zv-ministri i jashtëm i Kinës Dai Bin Guo tha se për zgjidhjen e problemit bërthamor duhet një rrugë e gjatë, palët e ndryshme duhet të kenë durim dhe besim të plotë.

Më 14 maj sekretari amerikan i shtetit Pouvell tha në Uashington se në mbledhjen e parë të grupit të punës u zhvilluan bisedimet "e mira dhe të hapura" dhe procesi i bisedimeve 6-palëshe "po vazhdon të arrijë afekt." (Daming )